Hore - hore karap pileh ampon nanggroe lom

Bak thon 2011 akhe ato 2012 awai, geutanyoe mandum na agenda ranyeuk yang harus ta sukseskan beusama sama, nyan keuh Pemilukada...hehehe..jadi beksampe salah pileh dalam thon nyoe, bek di pasoe ie le "lampunggong " dengen daleh nyoe hana tapileh prang lom..hehehehe, sang lebeh mangat prang teuh dari pada jino, punyang na teu abeh..( bek digee beuh nyan yang deuh takalon jinoe )..lon cuma ingin meubi bacut peu tuah keu syedara lon madum mansingom acjeh..bak peumilukada kali nyoe sang payah taglong aki lamtanoh, bahwa yang menang jeut keu raja nanggroe nyan keuh ureung ureung yang na agama, yang na geujak beut, yang nasikula dan yang na seumike ke rakyat jeulata ( bek gaduh pike keu prut dro...ato pun prot ngoen dan saudara geuh )


Nyan keuh hai mandum Syedara lon,,,mari keuh tanyoe berpartisipasi dalam peumilukadanyoe, agar nanggroe tanyoe beaman dan rakyat jih beuna iman dan beu makmu sejahtera. yang peureule neu ingat cuma saboh..hantrok gop keuno ijak peuget nanggroe tanyoe, namun hanya droe teuh yang harus tapeuget nanggroenyoe.

sagoe keumangan aceh pasee

Naseuhat Jameun

" Tajak Beleut Tapak, Taduek beleut Punggoung"
Nakeuh Jeut tacok hikmah nibat Nasehatnyan " Tajak beleut Tapak.." bahwa jih kiban cara digeutanyoe tajak beleut gaki manteung bek keuh tajak atopun sigoe tanyoe jak belangna gop kacho...meunanpih " taduk beleut punggong...." bek sagai-sagai digeutanyoe gaduh urusan but gob yang hana kaitan jih ngoen geutanyoe dan hana syufuat atopun mamfaat keugeutanyoe.

"""Beu seulamat Iman keubandum rakan lon""""

Peumimpin Geutanyoe

Bacut Haba keurakan mandum, Padum uroe yang ka ulikot lon tuan baca saboh judul nibak koran na keuh judul jih dalam bahasa hendon " Pemimpin oplosan " mungken sekalas geutanyoe takheem tabaca judul nyan, tapi bagi lontuan judulnya nakeuh saboh pukulan atopih lage geutampa bak ate geutanyoe. Peujet lon peugah lage nyan karena nakeuh peumimpin bak saboh nanggroe adalah ceureumen rakyat jih. karena geupeugah le Nabi geutanyoe Muhammad SAW " Allah akan geube peumimpin yang zhalem dan hana ade kesaboh saboh kawom, menyoe kaumnyan hana le di pakoe keu agama Poe yang peujeut donya" jino kageubi keugeu tannyoe peumimpin oplosan beurarti rakyat jih lebih kureng oplosan cit, nyan keuh seubagoe renungan. Harapan lon beunakeuh jinoe geutanyoe beutabimbing aneuk aneuk getanyoe keu jalan yang get agar awak nyan ukeu bek jeut keupeumimpin yang oplosan lage yang katakalon jinoe dum..

Putroe Putroe Aceh

Nyoe keuh na pandum droe nan nan Ureung inong aceh yang ka geu ukee seujarah di Aceh nyoe, nan nan jih antara laen :

1.Putri Lindung Bulan ( Perdana Mentri ) di Peueulak
2.Nihrasiyah Rawangsa Khadiyu ( Putroe/ratu) di Samudera Pasee
3.Malahayati ( Laksamana) Di Istana Kerajaan Darussalam
4.Meurah Ganti ( Laksamana) Di Istana Kerajaan Darussalam
5.Cut Meurah Inseuen (Laksamana Muda) Di Istana Kerajaan Darussalam
6.Taj’Al Alam ( Putroe) Di Istana Kerajaan Darussalam
7.Cur Nyak Keureuto (Keupala Daerah otono (ulee balang)Di Istana Kerajaan Darussalam
8.Cut Nyak Fatimah ( Keupala Daerah otono (ulee balang) Di Istana Kerajaan Darussalam
9.Seri Ratu Nurul Alam Nakiatu’ddin Sjah ( Putroe ) Di Istana Kerajaan Darussalam
10.Sultan Inayat Zakiatuddin Sjah ( Putroe ) Di Istana Kerajaan Darussalam
11.Seri Ratu Kamalat Syah ( Putroe ) Di Istana Kerajaan Darussalam
12.Pocut Meuligo ( Uleebalang, penasihat perang dan jenderal di Samalanga )
13.Tengku Fakinah ( Jendral dan sit ulama peumimpin dayah)
14.Cut Nyak Dien ( Jendral di Aceh Barat)
15.Cut Meutia ( Jendral di Aceh Utara )
16.Pocut Baren Biheue ( Jendral di Aceh barat)

Nyan Keuh Padum padum droe Ureung inong yang teucatat seubagoe Peujuang Aceh bak geulek kafee penjajah nak di tubit dari bumoe Seuramoe Makkah Nyoe.
Dilikot nibak nyan komoe bi peusan keu mandum syedara lon yang inoeng – inoeng agar beuneu ikot seumangat Guree Guree geutanyoe yang ka geuwoe bak poe. Dan yang leubeuh utama phon yang beuna geutanyoe ingat bahwa ureung inong nyan mandum geu cok teuladan bak ureung inong di masa Rasulullah nyan keuh ummi Khadijah, Ummu Aiman, Ummu Ainsyah dan laen seubagoe jih. Seumoga tulesan nyoe jeuk keu reunungan keu aneuk dara dara di Aceh.

by :Admin

Haba Peuingat (1)

"..Desya tanyoe lagee on kayee, nyoe goh layee laen katimeh..Desya tanyoe lagee bakat di laot nyoe goh surot laen kateuka.."

Haba peu ingat nyan khusus jih keu bandum yang na neu baca blog nyoe, bahwa yang nan jih ureung na nyawoeng dan kureung koeng iman akan sabe getanyoe udep lam desya desya. Maka jih kajeut keuh jinoe geutanyoe beubeutoi beutoi tasimak udep teuh maseng maseng dan beksagai sagai tanyoe hanya jih seukedar udep..nyoe bak lagu rafli ( seuniman Aceh) "..Udep uroenyoe pike keusingoh, bek sampoe meh moh onh uroe tuha.." inti jih bahwa geutanyoe harus na tapike ukeu dan ukeu, maksud jih beksampe ukeu keu singoh manteung, tapi "ukeu" sampe tanyoe meuninggai dan pu yang akan geubi le Allah keu geutanyoe oh uroe dudoe.

Napun haba di awai tulesan, lon neuk peugah bahwa jih geutanyoe bek lalo ngonnyan, bek na sampe neukhan.."alah tanyoe shit ka ureung le desya kiban tapeuget lom.."

Meusambong...>>>

Saleum Keubandum Syedara Bansigom Donya Poe

Assalamu'alalaikum

Keumandum syedara lontuan mansigom aceh, Nakeuh blog nyoe ulon tuan peget tanlaen hanya seubagoe cinta lon keu basa geutanyoe, nyankeuh bahasa aceh.Terimeung Geunaseh kaneu kunjong bak reumoh nyoe. dan lontuan lake meah miseu na tulesan tulesan yang kureung beutoi.
miseuna kritek ngon saran saran jeut nekirem keu zkn.aut
@gmail.com.

kamoe teurimeng mandum tulesan trulesan khususan bahasa aceh..

Wassalamu'alaikum